Оваа година ВФМ прими голем број на обрасци за Ваучер во спорт. По приемот тие беа обработени од тричлена комисија за Ваучери.
Биљана Еверетте – Раководител на стручна служба
Здравко Тодороски – Селектор во Спортско Моделарство и член на Управен Одбор при ВФМ
Мартин Јованоски – Претседател на Комисија за параглајдинг, Врвен спортист
Оваа година повторно се увиде дека дел од апликантите собираат повеќе бодови од тоа што е реално, иако имаше и случаеви каде беа заборавени и невнесени (а постигнати) резултати. Затоа е битно во комисијата да членуваат луѓе од фелата кои горе долу ги познаваат спортистите и нивната историја.
По обработка на податоците утврдивме дека спортистите мораат да бидат вклучени во национален систем на натпревари, да се државни прваци со врвни резултати дома и во странство за да можат да помислат да го преминат прагот на минимум потребни поени за да се добие ваучер.
Ова е особено изразено кај Неолимписките спортови, кои за жал во старт губат 50% од поените само поради фактот што се неолимписки. Па така излегува дека нашите спортисти се казнети, а нивните резултати вреднувани само 50% во споредба со другите.
Секоја година останува надежта дека на нашите воздухопловни спортисти ќе им се признаат сите бодови.
Во однос на бодови за Клубови,
Особено е неправеден вториот критериум во обрасците според кој треба да имате минимум 40 спортисти во клубот за најминимални бодови, а максимални земаат клубови со 500 спортисти. Овој критериум е комплетно наклонет кон масовните спортови. Воздухопловството не е масовен спорт, и затоа сите наши клубови добија по 0 бодови кај вториот критериум.
Во продолжение ранг листи на спортисти и клубови, членки на Воздухопловна Федерација: